പൂമ്പാറ്റ…. അഞ്ജന.പി.എം..5എ

വിടർന്നിരിക്കും പൂവിന്നുള്ളിൽ

ഒളിച്ചിരിക്കും പൂമ്പാറ്റ

കുണുങ്ങി വന്ന് പൂവിന്നുള്ളിലെ

പൂന്തേനുണ്ണും പൂമ്പാറ്റ.

നല്ലൊരു മഞ്ഞയുടുപ്പിട്ട്

പാറിരസിക്കും പൂമ്പാറ്റ

ഒപ്പം പാറി രസിക്കാനായ്

കൂടെ ഞാനും പോന്നോട്ടെ?

ഒത്തിരിയൊത്തിരി പൂന്തേനും

പൂമ്പൊടിയും ഞാൻ തന്നീടാം

കുഞ്ഞിച്ചിറകാൽ പാറും കുഞ്ഞിനു

പുത്തനുടുപ്പും നൽകീടാം

സുന്ദരിയാമെൻ ചങ്ങാതീ

എന്തൊരു ചേലാ കണ്ടീടാൻ!